ချင်းပြည်နယ်ရင်းနှီးမြှုပ်နှုံမှုနှင့် ဒေသထွက်ကုန်ပြပွဲကို ၂၀၁၉ ခုနှစ် မတ်လ ၁၆ ရက်နေ့နှင့် ၁၇ ရက်နေ့များတွင် ရန်ကုန်မြို့ မင်းဓမ္မလမ်းရှိ Myanmar Convention Center တွင်ကျင်းပပြုလုပ်ခဲ့ပါသည်။ အဆိုပါပြပွဲအား ချင်းပြည်နယ်အတွင်းရှိ ကုန်သွယ်မှုနှင့် ရင်းနှီးမြှုပ်နှံမှု အခွင့်အလမ်းများအား မြှင့်တင်နိုင်ရန်နှင့် ပြည်တွင်းပြည်ပ ရင်းနှီးမြှုပ်နှံသူများအနေဖြင့် ချင်းပြည်နယ်ရှိ စီးပွားရေး တိုးတက်စေနိုင်မည့် အလားအလာများအား မြင်သာစေရန် ရည်ရွယ်၍ ကျင်းပပြုလုပ်ခဲ့ခြင်းဖြစ်ပါသည်။
အဆိုပါပြပွဲ၏ အဖွင့်အမှာစကားအား ဒုတိယသမ္မတ ဦးမြင့်ဆွေမှ ပြောကြားရာတွင် “ မြန်မာနိုင်ငံသည် ၎င်း၏ ရေမြေတောတောင် သဘာဝ ပထဝီ အနေအထားများကြောင့် အနာဂတ်တွင် ယခုထက်ပိုသော စီးပွားရေး အခွင့်အလမ်းများကို ဖန်တီးနိုင်မည်ဖြစ်ကြောင်း၊ ချင်းပြည်နယ်သည်လည်း စီးပွားရေးသာမက လူမှုရေးပါ ဖွံ့ဖြိုးတိုးတက်ရန်အတွက် လမ်းဖွင့်ထားသည့် ပြည်နယ်တစ်ခုဖြစ်ကြောင်း၊ စိုက်ပျိုးရေးလုပ်ငန်း၊ လူထုအခြေပြု ခရီးသွားလုပ်ငန်း၊ ရေအားလျှပ်စစ်နှင့် အခြေခံအဆောက်အအုံ လုပ်ငန်း၊ ရိုးရာယက်ကန်းလုပ်ငန်း စသည့် အသေးစားစီးပွားရေးလုပ်ငန်း များမှတစ်ဆင့် ကြီးမားသော ရင်းနှီးမြှုပ်နှံမှုစီမံကိန်းများနှင့် အခွင့်အလမ်းများ ရှိနေသည့်အတွက် ချင်းပြည်နယ်တွင် လာရောက်ရင်းနှီးမြှုပ်နှံကြရန် ဖိတ်ခေါ်လိုပါကြောင်း၊ လက်ရှိတွင် မိမိအနေဖြင့် ပုဂ္ဂလိက ကဏ္ဍဖွံ့ဖြိုးရေးအတွက်လည်း ကိုယ်တိုင်ဦးဆောင် လုပ်ကိုင်နေပါကြောင်း၊ ပုဂ္ဂလိက ကဏ္ဍဖွံ့ဖြိုးတိုးတက်စေရန်အတွက် စီမံကိန်းဘဏ်ကိုလည်း အကောင်အထည်ဖော်ဆောင်ရွက်လျက်ရှိကြောင်း” ပြောကြားခဲ့ပါသည်။
ယင်းနောက် ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီးဌာန ပြည်ထောင်စု ဝန်ကြီး ဦးသောင်းထွန်းနှင့် Dr. Gail Marzette, Head of UK Department for International Development (DFID) Myanmar တို့မှ အဖွင့်အမှာစကား အသီးသီးပြောကြားခဲ့ကြပါသည်။
ချင်းပြည်နယ် ဝန်ကြီးချုပ် ဦးဆလိုင်းလျန်လွယ်မှ ချင်းပြည်နယ်၏ ရင်းနှီးမြှုပ်နှံမှု အခွင့်အလမ်းများအား ဆက်လက်ပြောကြားရာတွင် “ချင်းပြည်နယ်သည် မြန်မာနိုင်ငံတွင် အခွန်ကင်းလွတ်ခွင့် အများဆုံးရသော ဒေသဖြစ်ကြောင်း၊ ထို့ကြောင့် နောင်တွင် ချင်းပြည်နယ်သည် ကုန်သွယ်မှုနယ်ပယ် တစ်ခု ဖြစ်လာတော့မှာဖြစ်ကြောင်း၊ ချင်းပြည်နယ်ရှိ နတ်မတောင်၊ ရိဒ်ရေကန်နှင့် ဘုံတလာရေတံခွန်တို့သည် ခရီးသွားလုပ်ငန်းကို အထောက်အကူပြုလျက်ရှိပြီး နိုင်ငံခြားမှ ခရီးသွားဧည့်သည်များအား ဆွဲဆောင်နိုင်သော သဘာဝ အလှအပများဖြစ်ကြောင်း၊ ချင်းပြည်နယ်တွင်ထွက်ရှိသည့် ထောပတ်သီးနှင့် ကော်ဖီတို့သည် ကမ္ဘာ့အဆင့်အတန်းမှီ ထုတ်ကုန်များဖြစ်ကြောင်း၊ ချင်းပြည်နယ်တွင် ရင်းနှီးမြှုပ်နှံမှုများ လာရောက်ပြုလုပ်ရန် ဖိတ်ခေါ်ကြောင်း” ပြောကြားခဲ့ပါသည်။
ထို့နောက် စိုက်ပျိုးရေး၊ မွေးမြူရေး၊ သစ်တောနှင့် သတ္ထုကဏ္ဍ၊ အခြေခံ အဆောက်အအုံများ ဖွံ့ဖြိုးတိုးတက်ရေး ကဏ္ဍ၊ ဟိုတယ်နှင့် ခရီးသွားလာရေးကဏ္ဍ၊ လျှပ်စစ်နှင့် စွမ်းအင်ဝန်ကြီးဌာန၊ စက်မှုဝန်ကြီးဌာနနှင့် အသေးစားနှင့် အလတ်စား စီးပွားရေးလုပ်ငန်းများ အစရှိသည့် ကဏ္ဍအသီးသီးမှ တာဝန်ရှိသူများမှ တက်ရောက် ဆွေးနွေးခဲ့ကြပါသည်။
ကဏ္ဍအသီးသီးမှ တာဝန်ရှိသူများ၏ ဆွေးနွေးချက်များ ပြီးသည့်နောက်တွင် ချင်းပြည်နယ်၏ ရင်းနှီးမြှုပ်နှံမှု ဆိုင်ရာ စကားဝိုင်းဆွေးနွေးပွဲကို ဆက်လက်ကျင်းပခဲ့ရာ ဓနအဖွဲ့အစည်း (DaNa Facility) မှ Dr. Peter Brimble, Senior Technical Advisor မှ ဦးဆောင် ဆွေးနွေးသူအဖြစ် တာဝန်ယူဆွေးနွေးခဲ့ပြီး ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ညွှန်ကြားရေးမှူးချုပ် ဦးအောင်နိုင်ဦး၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အမြဲတမ်းအတွင်းဝန် ဦးအောင်စိုး၊ အိန္ဒိယနိုင်ငံသံအမတ်ကြီး H.E. Mr. Saurabh Kumar နှင့် တာဝန်ရှိသူများမှ ပါဝင်ဆွေးနွေး ခဲ့ကြပြီး တက်ရောက်လာသူများ၏ မေးခွန်းများအား ပြန်လည်ဖြေကြားပေးခဲ့ကြပါသည်။
ယင်းနောက် ချင်းပြည်နယ်အစိုးရသည် ဒေသတွင်း ရင်းနှီးမြှုပ်နှံမှုများ ပိုမိုရရှိစေရေးအတွက် ရင်းနှီးမြှုပ်နှံမှု ပမာဏ အမေရိကန်ဒေါ်လာ ၅၄ သန်းတန်ဖိုးရှိ နားလည်မှု စာချွန်လွှာ ၄ ခုအား လက်မှတ်ရေးထိုးခဲ့ပါသည်။
မွန်းလွဲပိုင်းတွင် ပြည်တွင်းပြည်ပ ရင်းနှီးမြှုပ်နှံသူများနှင့် ဒေသတွင်းလုပ်ငန်းရှင်များ (၂၀၀) ဦးခန့်ပါဝင်သည့် မျက်နှာစုံညီ ဆွေးနွေးပွဲကို ဆက်လက်ကျင်းပပြုလုပ်ခဲ့ရာ လုပ်ငန်းရှင်များမှ မိမိတို့ စိတ်ဝင်စားရာ ကဏ္ဍအလိုက် အသီးသီး ဝင်ရောက်ဆွေးနွေးခဲ့ကြပါသည်။
၂၀၁၉ ခုနှစ် မတ်လ ၁၇ ရက်နေ့တွင် ချင်းပြည်နယ်၏ ဒေသထွက်ကုန် ပစ္စည်းများနှင့် ချင်းရိုးရာ ဓလေ့ထုံးစံများကို ပြခန်းအသီးသီးတွင် ဆက်လက် ခင်းကျင်းပြသခဲ့ပါသည်။
