ဧရာဝတီတိုင်းဒေသကြီး ရင်းနှီးမြှုပ်နှံမှုပြပွဲအား ၂၀၁၈ ခုနှစ် နိုဝင်ဘာလ ၃၀ ရက်နေ့တွင် ပုသိမ်မြို့၊ ငွေဆောင် ကမ်းခြေရှိ ယမုံနာ ဟိုတယ်တွင် ကျင်းပပြုလုပ် ခဲ့ပါသည်။
ဧရာဝတီတိုင်း ရင်းနှီးမြှုပ်နှံမှုပြပွဲသို့ မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) မှ ဒုဥက္ကဋ္ဌ၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဋ္ဌာန ပြည်ထောင်စုဝန်ကြီး ဒေါက်တာသန်းမြင့်၊ ဧရာဝတီတိုင်း ဝန်ကြီးချုပ် ဦးလှမိုးအောင်၊ ရန်ကုန်တိုင်း ဝန်ကြီးချုပ် ဦးဖြိုးမင်းသိန်း၊ မကွေးတိုင်း ဝန်ကြီးချုပ် ဒေါက်တာ အောင်မိုးညို၊ ကယားပြည်နယ် ဝန်ကြီးချုပ် ဦးအယ်လ်ဖောင်းရှို၊ ဧရာဝတီတိုင်း လွှတ်တော် ဥက္ကဋ္ဌ ဦးအောင်ကျော်ခိုင်နှင့် အစိုးရ အဖွဲ့ဝန်ကြီးများ၊ လွှတ်တော် ကိုယ်စားလှယ်များ၊ ဌာနဆိုင်ရာ အကြီးအကဲများနှင့် NLD ပါတီ၏ စီးပွား ရေးဆိုင်ရာ အကြံပေးအဖွဲ့တို့ တက်ရောက်ခဲ့ကြပါသည်။
အဆိုပါပြပွဲသည် ဧရာဝတီတိုင်း ဒေသကြီးအတွင်းရှိ ရင်းနှီးမြှုပ်နှံမှု အခွင့်အလမ်းများအား ပြည်တွင်းပြည်ပ စီးပွားရေး လုပ်ငန်းရှင်များ၊ ပိုမိုသိရှိ နားလည်စေရန်နှင့် တိုင်းဒေသကြီးအတွက် ရင်းနှီးမြှုပ်နှံမှုများကို ဆွဲဆောင် နိုင်မည့် အထောက်အပံ့ တစ်ခုဖြစ်စေရန် ရည်ရွယ်၍ ကျင်းပပြုလုပ်ခဲ့ခြင်းဖြစ်ပါသည်။
ဧရာဝတီတိုင်းဒေသကြီးသည် မြန်မာနိုင်ငံရှိ တိုင်းဒေသကြီးနှင့် ပြည်နယ် (၁၄) ခုအနက် လူဦးရေ (၆.၂) သန်းရှိ သည့် ဒုတိယအကြီးဆုံး တိုင်းဒေသကြီးဖြစ်ပါသည်။ နိုင်ငံတော်၏ စပါးကျီနှင့် ငါးအိုးကြီးအဖြစ် လူသိများ ထင် ရှားသည့် ဧရာဝတီတိုင်း ဒေသကြီး၏ စိုက်ပျိုးရေးနှင့် ရေလုပ်ငန်းကဏ္ဍများတွင် ရင်းနှီးမြှုပ်နှံမှု အခွင့်အလမ်း များစွာ ဖိတ်ခေါ်လျက် ရှိပါသည်။
ထို့အပြင် ဧရာဝတီတိုင်းဒေသကြီးတွင် လာရောက်ရင်းနှီးမြှုပ်နှံမည့်သူများအား ဆွဲဆောင်နိုင်မည့် တမူထူးခြား ၍ ပြီးပြည့်စုံသော အချက်အလက်များအား အောက်ပါ အတိုင်းတွေ့ရှိရပါသည်။
၁။ သဘာဝ အမွေအနှစ်များ စုစည်းတည်ရှိနေမှု
၂။ နိုင်ငံတော်၏ “စပါးကျီ” သို့မဟုတ် “ဆန်အိုးကြီး” အဖြစ် ဖြည့်ဆည်းပေးနေမှု
၃။ ကုန်စည်ကူးသန်းမှုမြို့တော် ရန်ကုန်မြို့နှင့် နီးကပ်စွာ တည်ရှိနေမှု
၎။ အတော်အသင့် ရှည်လျားသော ကမ်းရိုးတန်းရှိနေမှု
၅။ ရေအရင်းအမြစ်နှင့် မြေဆီကြွယ်ဝသည့် “မြစ်ဝကျွန်းပေါ်ဒေသ” အဖြစ်တည်ရှိနေမှု ဟူသောအချက် များဖြစ်ပါသည်။
ဧရာဝတီတိုင်း ဒေသကြီး ရင်းနှီးမြှုပ်နှံမှုပြပွဲ၏ အသေးစိတ် သတင်းအချက် အလက်များနှင့် တင်ပြ ချက်များအား တစ်ဖက်ပါ Presentation နှင့် PDF File များတွင် ဝင်ရောက် ကြည့်ရှုလေ့လာ နိုင်ပါသည်။